NULLA 101 - BIBALDA TA PELDETTA

1 Nulla vi David.

¹ Nulla vi David. Nan min gi nulla kay ŋaata hiɗi ɗigerta taŋ naŋu, Ma-Vatɗina, nan min gi nul ma suburta.

² Nan min poy ŋali hay hagata ɗigerta. Naŋ min ma tanu lancitige? Nan min poy hay ziyna vanu hay gasita vi dikanu.

³ Nan min vara kay li va ma joo'o noŋɗi. Nan ka gawt tam lopna vi sa sulukŋa, nam ma gaɓ tanɗi.

⁴ Dikga bay-gasita ma vi tuwa' goy gine tanu, nan min wi va ma joon noŋɗi.

⁵ Sa ma di joot kay sugolomu goy ŋayaya, namu nan min bam goyo. Sa ma kir tuwam ŋaa'a, dikam subur tuwamu kaw, namu nan min hinimɗi.

⁶ Nan ma cuk iran kay sum sa gasina kay nagata, kay nisi ma lak hiɗi nanu. Sa ma poy hay hagata gasita, nam ma sunanu.

⁷ Sa ma li ɗutta, nam ma mus hay ziyna vanɗi, sa ma di law ma sinda ma col kulo vok iranɗi.

⁸ Hay graw culumta kaf, nan min ci sa jiw-zlata kaf goy hay nagata, kay vat goy hay hoyok-ziyna vi Ma-Vatɗina nisi kaf sa li joota.