ŊAƁTA 33 - BIBALDA TA PELDETTA

Tu'da hiɗi molta vi sa Israyella tun caw hay kal-goyta visi pa ta-ta cota visi hay fulda vi Mowab

¹ Kayni mi liyn ma gurona vi Israyel jik haya hay li ma nisi kalay goy hay nagata Egipte pa, kuɗ vok-ma-duura visiya, tuni voksi mi Musus hiɗi Aaron.

² Liyn ma nisi jik hayamna kaf, Musus ɗom gaa'a ki Ma-Vatɗin vulum hagat nala. Kayni mi liyn ma nisi jik hayamu hay tu'da visiya.

³ Nisi yaways hay Ramses hay til ma jewna, hay buurta doogo yam vaslta vi til ma jewna. Hay buurta ka'ta vi paskata, gurona vi Israyel kal goy hiɗi ɓisi kulo kay', sum sa Egipten wisi goy haraŋ kafe.

⁴ Hay na'ta sum sa Egiptena ka pi sum sa Ma-Vatɗin cisi kuɗsina: Kayn di ala guro sa vuɗi jewn kafe; Ma-Vatɗina ka kitana valam kay lawayna visi hay na'ta.

⁵ Gurona vi Israyel yaways hay Ramses pa, nisi tuɗ mol hay Sukkot.

⁶ Nisi yaways hay Sukkot pa, tuɗ lak hay Etam ta ka goy hay vun fulda.

⁷ Nisi yaways hay Etam pa, muɗ irsi hay Pi-Hahirot, ɗiger vok Baal-Sefon, nisi mol goy vok Migdol.

⁸ Nisi yaways hay Pi-Hahirot pa, jik way niy-lum ma ŋolla kay kal hay fulda; nisi tuɗ hay fulda vi Etam ir buur ɦidi, bugolda tuɗ lak hay Mara.

⁹ Nisi yaways hay Mara pa, co hay Elim; kaara ma niyna ka doogo yam ma' hay Elim, gomona ka dok-siɗiya kaw. Nisi mol gaa hay liy namna.

¹⁰ Nisi yaways hay Elim pa, tuɗ mol goboy hiɗi niy-lum ma slawna.

¹¹ Nisi yaways kat niy-lum ma slawna pa, tuɗ mol hay fulda vi Sin.

¹² Nisi yaways hay fulda vi Sin pa, tuɗ mol hay Dofka.

¹³ Nisi yaways hay Dofka pa, tuɗ mol hay Alus.

¹⁴ Nisi yaways hay Alus pa, tuɗ mol hay Refidim, hay liyn namna nisi may fi niy ma ci noŋɗi.

¹⁵ Nisi yaways hay Refidim pa, tuɗ mol hay fulda vi Sinay.

¹⁶ Nisi yaways hay fulda vi Sinay pa, tuɗ mol hay Kibrot-Hattava.

¹⁷ Nisi yaways hay Kibrot-Hattava pa, tuɗ mol hay Hatserot.

¹⁸ Nisi yaways hay Hatserot pa, tuɗ mol hay Ritma.

¹⁹ Nisi yaways hay Ritma pa, tuɗ mol hay Rimmon-Peres,

²⁰ nisi yaways hay Rimmon-Peres pa, tuɗ mol hay Libna.

²¹ Nisi yaways hay Libna pa, tuɗ mol hay Risa.

²² Nisi yaways hay Risa pa, tuɗ mol hay Kehelata.

²³ Nisi yaways hay Kehelata pa, tuɗ mol kay hiɗiyta vi Safer.

²⁴ Nisi yaways kay hiɗiyta vi Safer pa, tuɗ mol hay Harada.

²⁵ Nisi yaways hay Harada pa, tuɗ mol hay Makhelot.

²⁶ Nisi yaways hay Makhelot pa, tuɗ mol hay Tahat.

²⁷ Nisi yaways hay Tahat pa tuɗ mol hay Tarak,

²⁸ nisi yaways hay Tarak pa, tuɗ mol hay Mitka.

²⁹ Nisi yaways hay Mitka pa, tuɗ mol hay Hasmona.

³⁰ Nisi yaways hay Hasmona pa, tuɗ mol hay Moserot.

³¹ Nisi yaways hay Moserot pa, tuɗ mol hay Bene-Yaakan,

³² nisi yaways hay Bene-Yaakan pa, tuɗ mol hay Hor-Gidgad.

³³ Nisi yaways hay Hor-Gidgad pa, tuɗ mol hay Yotbata.

³⁴ Nisi yaways hay Yotbata pa, tuɗ mol hay Abrona.

³⁵ Nisi yaways hay Abrona pa, tuɗ mol hay Esiyon-Geber,

³⁶ nisi yaways hay Esiyon-Geber pa, tuɗ mol hay fulda vi Sin, kayn ti Kades.

³⁷ Nisi yaways hay Kades pa, tuɗ mol kay hiɗiyta vi Hor, goy vun nagata vi Edom.

³⁸ Mul-ma-ɗifinna Aaron jik kulo kay hiɗiyta vi Hor, ki Ma-Vatɗin vulum hagat nala, ɗawni nam mita. Nam mit hay buurta jewta vi til ma vaslna, vi busata dok-fiɗita bugol kalta-goyta vi gurona vi Israyel hay nagat Egipte.

³⁹ Hay li ma Aaron mit kulo kay hiɗiyta vi Hor kayni, busata valam coy kis kalam dok-ma' yam ɦidi.

⁴⁰ Mul ma hay Aradna, ma Kanaaniyana, ma ka musi hay gal ma kayamna vi nagat Kanaan, nam hum labara kay cota vi gurona vi Israyel.

⁴¹ Nisi yaways kay hiɗiyta vi Hor pa, tuɗ mol hay Talmona,

⁴² nisi yaways hay Talmona pa, tuɗ mol hay Punon,

⁴³ nisi yaways hay Punon pa, tuɗ mol hay Obot.

⁴⁴ Nisi yaways hay Obot pa, tuɗ mol hay Iye-Abarim, hay jaara vi Mowab.

⁴⁵ Nisi yaways hay Iye-Abarim pa, tuɗ mol hay Dibon-Gad.

⁴⁶ Nisi yaways hay Dibon-Gad pa, tuɗ mol hay Almon-Diblatayim.

⁴⁷ Nisi yaways hay Almon-Diblatayim pa, tuɗ mol kay hiɗiyta vi Abarim, goy vok Nebo.

⁴⁸ Nisi yaways kay hiɗiyta vi Abarim pa, tuɗ mol hay fulda vi Mowab, goboy hiɗi Yordan, ɗiger vok Yeriko.

⁴⁹ Nisi mol goboy hiɗi Yordan, tun caw hay Bet-Yesimot pa ta-ta hay Abel-Sittim, hay fulda vi Mowab.

⁵⁰ Ma-Vatɗina law tam Musus hay fulda vi Mowab, goboy hiɗi Yordan ɗiger vok Yeriko. Nam dumu:

⁵¹ Naŋ ma di tam gurona vi Israyel ala, hay li ma nigi haw niy-lumna Yordanawa kulo'o, la nigi coowa hay nagata Kanaan,

⁵² sum sa hay nagatna kaf nigi ma digiɗsi vokgiya, lawayna visi ma waana ma ceɗi hiɗi hiɗiyna, sle ma sli tuw sana ma yorayna, liyn ma girifna visi kaf, nigi ma tom gaa'a.

⁵³ Nigi ma sli nagata, nigi ma lak haya'a, kay nan vula' nigiya, nala na' ma muɗ ir vigiya.

⁵⁴ Nigi ma ɓuraw nagat jargi hiɗi ŋaɓta kuɗ ɦayta, ɓurawa' kuɗ jafna vigiya vigiya. Jaf ma ir ŋolla nigi ma vulsi nagata visi ir ŋol lay, jaf ma ir kiɗayna nigi ma vulsi nagata visi ir kiɗay lay. Jaf ma ŋaɓta kuɗ hayta vulum liyn ir malamna nam ma mus hayamu, hiɗi ziyna vi sumiyam kafe.

⁵⁵ May la nigi digiɗ sum sa hay nagatna goy vokgiɗi, nisi lak galgi ɗawni ki zigiyna hiɗi jalaŋŋa ma jikgina nala, nisi ma muɗ si sa gaw kigina hay nagat ta nigi min lak haya'ta ɗawni.

⁵⁶ Nala nan ma lasgi nigi ɗawni ki nan mini kay lassi nisi nala may.