JOWEL 3 - BIBALDA TA PELDETTA

¹ Bugol kayni nan ma was ŋusta vanu goy kay sumun kafe. Joriyona hiɗi guro-boyna vigiya, ma di kay slen ma voksina. Sa maariyana vigiya duwayt ma disiya, sa gurayna vigiya slen ma vul tuwam kirsiya.

² Sa gorvona van ɦawa kaw, nan min was ŋusta van goy tisiya, sa jufayna hiɗi sa boyn kaw.

³ Nan ma li ɗekka kulo hay dukalawna, gaa kay nagat kaw, nigi ma wi busuwna; kuta, hiɗi nuk ma pat kamu.

⁴ Fatta ma muɗ goy jufunu, tilla ma muɗ goy busuwu, kayni ma li'e jew mata vi Ma-Vatɗina. Fatta ŋolda ta ɦuyum kuɗa'ta.

⁵ Hay buur namna ɗawni, sa ma yi sem Ma-Vatɗinawana, nam ma fi su'da. Su'da ma co'o kay hiɗiyta vi Siyon, hay Yerusalem kaw. Ki Ma-Vatɗin di nala, sa hin kuɗsina Ma-Vatɗin min vulsi yita.