Biblia Todo Logo
Bìoball air-loidhne

- Sanasan -

JOB 4 - BIBALDA TA PELDETTA


JOB KA KUS YOBOY HIƊI BONIYOM SA ꞪIDINA Elifas ka ɓak tam Job

1 Elifas ma hay Teman sli ditiya di'e:

2 La numa min di va taŋu, sutiyaŋ as to su? May sa ma as mus hiɗi vunam duki ɓurut ɗawn gige?

3 Naŋu ma vul hattawa mi sumun ŋolo, naŋu ma vul donotawa mi sum sa sutaysi toyna.

4 Sum sa tupa tiŋtiŋŋa dita vaŋu yawsiyawa kulo'o, naŋ vul donotawa mi sum sa ŋulofsi kusi gaa kuɗsina.

5 May wulin kayni hay li ma lawt coowa kaŋ naŋu, Naŋ hiwir tuwaŋ lo su?

6 Narta vaŋ kuɗ Lawna kayni mi gutda vaŋɗi su? Cubta-sle'ta vaŋu, kayni ti ɗigerta vi hagata vaŋɗi su?

7 Kisaŋ kaŋ tige, sa ma fi mitta hay li ma nam li jooɗin mi gige? Sum sa ɗigera ba goy gal arige?

8 Ki nan wum nala, nisi sa zum bay-ɗigerta hiɗi nisi sa was joota feɗ vuɗna valamu;

9 sukŋa vi Lawna as cisi goyo, nisi loɗis goyo kay simeɗna vi ɦiyda valamu.

10 Zlo ma ci gumna, muur ma siyna ma buwna, hiɗi guro zlo-joriyon kaf nam kusum siyam goyo;

11 Zlon mit goyo kay nam fi va ma tiɗi, gurona vi zlo tan-cata mer goyo kaw.

12 Law mara cuk hay human ne' ne', human hum yoboy namna seŋ-seŋ'.

13 Hay li ma varta ta yorta may goy hay va ma vul tuwam kiraŋu hay henjeta, hay li ma sumun kalay hay senda ŋolda.

14 Narta hiɗi yakarana coowa kanu, zokan kaf geɗawa.

15 Simeɗ mara kep jik kanu, ɗuŋus ma tanna yaw kulo jimim'.

16 Sa ka coli hay liy namna zaw, nan may wi jifna valamɗi. Sa ka coli vok iran zaw, nan humum delem ka ŋurnay hiɗi ŋal ala:

17 Sa wurana nam as li ɗiger vok Lawn su? Sana as li peldete vok nam ma lumna su?

18 La Lawn may tun vida valam kay sa sunda valamɗi, la nam fi va ma joo kat sa sunda valamu,

19 kayni ma li sem gaage suwa kat nisi sa lak hay ziy nagana? Nisi sa sesi ma gaana ini kay butuwna, sa san as jiweslsi goy ki tenɗena nala?

20 Hay graw culumta pa ta-ta vulatita nisi ka ciys goyo, nisi ka vatis goyo kay dok-doko, sa ma jak humam kisi mayɗi;

21 zigewna vi irita visiya jay goyo, nisi ka mita, may hiɗi yaldaɗi.

BIBALDA TA PELDETTA © L'Alliance Biblique du Cameroun, 2001

Bible Society of Cameroon
Lean sinn:



Sanasan