HOSEYA 3 - BIBALDA TA PELDETTA

¹ Ma-Vatɗina di tanu: Tuɗaŋ lo, daraŋ cata ta ka viy bono hiɗi sa mara'a, cat ta li zlata-bulo'o, naŋ ma mina'a ki Ma-Vatɗin ka min gurona vi Israyel nala, nisi ka muɗ irsi kir lawayn hegena, minim mi hambul ma beɗi hiɗi vuɗ gulda-guldana

² Nan gusa' ir gurjut sikel doogo yam vasl, hiɗi ŋaɓta vi orgena suwal kep hiɗi gali.

³ Nan di ta'a: Wulin kayn nak ma mus dok-dok ir vanu, Nak hot muɗ tuwag goy gawlaŋ loɗi, vul tuwag goy mi sa loɗi, nan kay tuwan kaw ma minagu.

⁴ Kay gurona vi Israyel ma mus ta-ta bay mulu, bay sa voksiya, bay li ɗifini, bay sligar ma ɗifinna, bay va ma job Lawn hiɗi namna kaw.

⁵ Bugol kayni, gurona vi Israyel ma hotiya; nisi ma hot gar Ma-Vatɗina Lawna visiya, nisi ma gar David mulla visi lay, nisi ma li firi ŋolo hay li ma irsi ma wi Ma-Vatɗina, hiɗi ŋaata valam ta nam la'ata, ta-ta hay liyn ma vokŋ ɗaw.