ESTER 10 - BIBALDA TA PELDETTA

Asuwerus hiɗi Mardose

¹ Mulla Asuwerus tun taara kay sumuna, sa kay jokota hiɗi sa kel niy-lum ma ŋolla kaw.

² Labara kaf ma law kay gaŋeraŋa valamu hiɗi kursulita valamu, hiɗi labara kay muɗ ma nam muɗ Mardose ŋolla, kayni kaf ɗoy hay ɗerwelda vi Labar-ma-Liyna vi muliyana vi sa Medena hiɗi sa Persena.

³ Kay sa ma Yudiyana Mardose muɗi mi ministrena ma jewna vi mulla Asuwerus, mi sa ma ŋolla vi sa Yudiyana, guro-biyomna ŋolo minimu; nam gar kay li ŋaata kat sumuna valamu, ka law kay ɦur jafna valam kaf kulo'o kaw.