ESAYA 12 - BIBALDA TA PELDETTA

Nulla

¹ Hay buur namna ɗawni naŋ ma di ala: Nan suburaŋu, naŋu Ma-Vatɗina, kay naŋ muɗ ɦiy katanu, ɦiyda vaŋu hotawa goyo, naŋ teŋan iranawa.

² Lawna ma su'da van zawni, nan vi hayamu, nan ma li narɗi, kay Ma-Vatɗina, Ma-Vatɗina mi donota vanu hiɗi nulla vanu, nam muɗi ma su'da vanu.

³ Nigi ma go niy ma vul su'da hiɗi firita.

⁴ Hay buur namna ɗawni nigi ma di ala: Suburgi Bum-Sumuna, yigi semda valamu, ɗekgi goy jar sumuna kay sle ŋulona ma nam lumna. Gigi hum sumun ala semda valamu ŋol suwa.

⁵ Gigi nul hay semda vi Bum-Sumuna, kay nam li sle ma jifiyna: hin nagata kaf wi sle ma nam lumna.

⁶ Cigi yirin hiɗi firita, nigi boyna vi Siyon, kay nam ŋolo jargiya, nam ma peldetna vi Israyel.