CAWA'TA TUNITA 10 - BIBALDA TA PELDETTA

GURONA VI NUWA Jaf-sum sa gaa kay nagata

¹ Kayni mi jafna vi gurona vi Nuwa: Sem, Kam hiɗi Yafet. Bugol niy ŋol ma de kay nagatna, nisi vuɗ guro lo:

² Kayni mi sem gurona vi Yafet: Gomer, Magog, Maday, Yavan, Tubal, Mesek hiɗi Tiras.

³ Gurona vi Gomer yisi ala: Askenaz, Rifat hiɗi Togarma.

⁴ Gurona vi Yafan yisi ala: Elisa, Tarsis, Kittim hiɗi Dodanim.

⁵ Jaf-sumuna sa kay jokot kaf, sa kay nagat noŋ kaf, kuɗ vunna visi mara'a mara'a, hiɗi ziyna visiya, hiɗi nagata visi noŋ kaf biya goy kayn kuɗsi nisiya.

⁶ Gurona vi Kam yisi ala: Kus, Misrayim, Put hiɗi Kanaan.

⁷ Gurona vi Kus yisi ala: Saba, Havila, Sabta, Rayema, Sabteka. Gurona vi Rayema si Seba hiɗi Dedan.

⁸ Kus vuɗ Nimrod kaw. Namu mi sa ma tun dir gaŋeraŋga gaa kay nagatna.

⁹ Namu mi sa ma gi daara ma selem tiy ŋolo vok Ma-Vatɗina. Kuɗ kayni sumun ka di lawt hiɗi selem ala: sa ma gi daara ma selem tiy ŋolo vok Ma-Vatɗina ki Nimrod nala.

¹⁰ Nam ti mulda valam jew kayn kay Babel, Erek, Akad hiɗi Kalne, hay nagat Sineyar.

¹¹ Hay nagat lakŋi pa nam fokiya kal hay Asur, nam in hoyok-ziyn Ninive, hiɗi Rehobot-Ir, hiɗi Kalak.

¹² Hiɗi Resen ta ka jar Ninive hiɗi Kalak, na'a mi hoyok-ziy ma ŋolo.

¹³ Misrayim mi sa ma vuɗ sum sa hay Lud, sa hay Anam, hay Lehab hiɗi sum sa Naftuwana.

¹⁴ Sum sa Patrusna, sa hay Kasuna, sa Filistin kalay goy visi pana, hiɗi sum sa Kaftor kaw.

¹⁵ Kanaan vuɗ Sidon, goora valam ma jewna, hiɗi Het.

¹⁶ Sum sa Yebusiyena, sa Amoriyana, sa Girgasiyena.

¹⁷ Sa Heviyena, sa Arkiyena, sa Siniyena

¹⁸ sa Arbatiyena, sa Temariyena, sa Hamatiyena. Bugol kayni jafna vi Kanaan mer goyo.

¹⁹ Vun nagata vi sum sa Kanaaniyana tun cawis hay Sidon pa, hay gal Gerar, ta-ta Gaza, hay galla vi Sodoma, hiɗi Gomora, Adma hiɗi Seboyim, ta-ta hay Lesa.

²⁰ Nisi kayni si gurona vi Kam, kuɗ ziyna visiya visiya, kuɗ vunna visiya visiya, kuɗ nagata visiya visiya, jafna visiya visiya.

²¹ Sem, ɓasum Yafet ma ŋolla nam vuɗ guro kaw. Jafna vi Heber noŋ kaf namu mi busiya.

²² Gurona vi Sem yisi ala: Elam, Asur, Arpaksad, Lud hiɗi Aram.

²³ Gurona vi Aram yisi ala: Us, Hul, Geser hiɗi Mas.

²⁴ Arpaksad vuɗ Selah, Selah vuɗ Heber.

²⁵ Heber vuɗ guron ma': ma ŋolla yum ala Peleg; kay hay liyna valamu ir nagat ɓuraw goyo. Ɓasulumna yum ala Yoktan.

²⁶ Yoktan vuɗ Almodad, Selef, Hatsarmavet, Yerah,

²⁷ Hadoram, Uzal, Dikla,

²⁸ Obal, Abimayel, Seba,

²⁹ Ofir, Havila hiɗi Yobab. Nisi kaf kayni si gurona vi Yoktan.

³⁰ Liyn ma lakka visi tun cawis hay Mesa pa, goy gal Sefar, ta-ta hay hiɗiy ma gal kuɗuwna.

³¹ Nisi kayni si jafna vi Sem, kuɗ ziyna visiya visiya, kuɗ vunna visiya visiya, kuɗ nagata hiɗi jafna visiya visiya.

³² Nisi kayni mi jafna vi gurona vi Nuwa, kuɗ vu'da visiya visiya, kuɗ jafsiya jafsiya, jaf sum sa biyay gaa kay nagata bugol niy ŋol ma dena may goy kayn haysi nisi pa.