YOBU 26 - BIBILLYA Mareiyo Meele a Iruva

Kirouwo kya Yobu

¹ Naasa Yobu karouwa:

² “A! Ni inda kwaekkya alatiri widimi! Ngata kyi kwakira alatiri finya!

³ Ngata-kyi kweekya nndu alatiri urango usha, Na iatarannya nawe widimi lwafo!

⁴ Kya indi mmbo kwaamba indo mashika avi? Mmbi akukuna irera indo?” Bildadi karouwa:

Wiidimi uniini lwa Iruva

⁵ “Varumu efo si vakererema, mura wa si ya uruka na vekaafo mmbo vakee yereya.

⁶ Kwa vafu nkukee kwa ruu deny mbee ya Iruva, ufu llutiri kifiniko kyoose fo.

⁷ Iruva mmbo aalaa taari ya ndoo ando aruu, kanunuta ulana ando alatiri kindo,

⁸ Kafingya mura mafishiny uve nroo, nta mafishi n narandukaa kimaruma kya irovyo fo.

⁹ Mmbo asikkyaa kisangu kya mwiiri na ivika ifishi uwe ya vayo.

¹⁰ Kareyya kiringiti uwe ya kisangu kya yeeve, ando kukee nnyanu wa sa na ireema.

¹¹ Iruva karosa unyanga lwa isakira, ngo ta iruveu mmbo tireremaa na iting'wa.

¹² Kwa finya takwe mmbo akyeemya yeeve ikamamya sau, kwa urango lwakwe kamamita ishoka lilya Rahabu.

¹³ Na mumuyo wakwe kasangya ngina; woko lwakwe lukadosha ishoka llya iniini irishaa.

¹⁴ Yefyo nfyaangu nsi fya mirunndye yakwe, n ng'unung'unu nsi luitye uwe yakwe. Mmbi ashiidimaa imanya uniini lwa finya takwe?”