YOBU 25 - BIBILLYA Mareiyo Meele a Iruva

Kirouwa kya Bildadi

¹ Llyo Bildadi, Mshuhi karouwa:

² “Iruva mmbwe atiri wiidimi uniini, Vandu woose va mwiindye. We mmbo avikaa ufoo kufike uwe kwakwe iruveeu.

³ Mmbi ashiidimaa iekyena matorito akwe? Mmbi alamikywaa ni sa yakwe?

⁴ Nndu ashiidimaa inda iva nsaari mbee ya Iruva? Nndu wa vandu nsi ashiidimaa inda ikwaamba akee mwaa?

⁵ Kwa Iruva nta mwiiri mmbuvaramaa kyamaa-fo, Nyinyiri nato nta nshi shaa mbee yakwe-fo;

⁶ Nta kyeni nndu akee sha ikuru, Nndu wa vandu akee sha fusa-da!”