YOBU 23 - BIBILLYA Mareiyo Meele a Iruva

Kirouwo kya Yobu

¹ Naasa Yobu karouwa:

² Inu-da kiiyo kyakwa ni iivavywa. Mmbo shikevavywa na iting'wa.

³ A nkyema sheishi ando sheekoyaa Iruva! Mmbo sheshiidima yeenda shifike yoo kufii nawe.

⁴ Mmbo shesheendee mwaandu wakwa mbee yakwe, Shimwengye kiveso kyakwa.

⁵ Sheshiidimaa imanya yekyo eshirouwaa, na imanya yekyo eshiviaa.

⁶ A ndesa mmbo ewakyana na finya takwe shoose? Oode! Kulaifo nyinyira eshiarannyaa.

⁷ We ashiidimaa irera na nndu mworotu, Iruva, mwirummbwa mwaandu wakwa mmbo eerumbwaa sheelyi n shitiri ukasha llung'anu-fo.

⁸ Lola, shikeenda mbee, indi shikenkooya-fo, Shawuya numa, indi n shikeidima illolya-fo;

⁹ Shanruya taari ya woko umuso indi shilanlollye, Shaindukkya woko usha kya indi nshikeeidima illollya fo.

¹⁰ Indi we mmbo eeshi shia shikeelatya; Kyeeri amaa isheesa Llyo shisheukaa-fo shiikee sha saabu.

¹¹ Mmbo shikee latya ngyayo takwe kwa waarya, Shia yakwe shaitira nta shikeeveta-fo.

¹² Shilenra tusu ilatya mavavaso akwe-fo, Marero akwe shaavika nriminy wakwa.

¹³ Indi we nnyaalemalashikaafo, mmbi ashiidimaa imwaallwa? Kindo ankunda nkyo avekitanaa!

¹⁴ Ashoora fyoose ashidessye; Na fyiingyi efyo fikee urango kwakwe.

¹⁵ Nkyo shikererema kwa werei mbee yakwe; Nakwaa shakusara nsi shawoywa mbwerei.

¹⁶ Iruva mmbo anteveta ngoo yakwa isokkyo mfyoova, Iruva muni finya anshiishura werei.

¹⁷ Mashika shawaywa ni ireema, Na ireema iroo likafindikira kisangu kyakwa.