YEREMIA 45 - BIBILLYA Mareiyo Meele a Iruva

Kyaasa kya Iruva kwa Baruku

¹ Irero lyilya Yeremia nkisuku ererya Baruku mwana wa Neria, llya ereiyya marero yaa kyitabuny eviywaa lyimwi kwi lyimwi ni Yeremia, mwaakeny va kaana va Yehoyakimu mwana wa Yosia mangyi ya Yuda kaamba:

² Nndumi Iruva, Iruva wa Israeli akuvia yewe Baruku:

³ “Yewe nkweamba; ‘Woshiny llwakwa! Mashika Nndumi Iruva ammeengyera mavina mavaviony akwa; shammaaraa yoongora kuleifo kyiimuyo.’

⁴ “Ni indi kushemuviaa, Nndumi Iruva aamba; Lola, yekyo shilekyitana nshikekyifisha-fisha, na yekyo shilekyivaaya nshikekyikurrwa tushu, yekyo ni uruka loose.

⁵ A ndesa nkukeeruuya findo finiini kyimaruma kyafo? Kulafiruuye-fo; mashika, lola Yeny nshikeyende makasha kwa wo kyindo kyitiri mwiilyi, ni Nndumi Iruva aamba; indi Yeny nshikuniinga muu vafo vaaluke raangya ya fira wo ando kusheendaa.”