SABURI 99 - BIBILLYA Mareiyo Meele a Iruva

Iruva Mmangyi Aitorye

¹ Nndumi Iruva anshillya, vandu va masanga vareremi! Akee rembo uwe ya, uruka lukee iring'ina!

² Nndumi Iruva ni nniini efo Sioni Nawe mmbo akee nnga'nise uwe ya vandu va masanga woose.

³ Vaarafumi irina lyakwe iniini lyeeresye, Mmbwe mweele!

⁴ Finya ta mangyi tikundye dede, Yewe mmbwe kuleora woorotu, Israeli shoose.

⁵ Nganiseny Nndumi Iruva, Iruva weeru! Fiiryeny ndi yo marendeny a kitima kyakwe mmbwe mweele!

⁶ Mose na Aron vekee vamwi va makohani vakwe; Na Samueli eke umwi wa valya valefuuya irina lyakwe. Kyeeri valevaanga, Nndumi Iruva alevairika.

⁷ Nnangani a ngo ta ifishi eke irera nawo, Vakairikya fya nsia wakwe na itira mavavaso akwe alevaniingya.

⁸ Woi Nndumi Iruva, Iruva weeru, nyewe kulevarouwa. Kwekee kwawo sha Iruva mwisarya, Lla lya kulevataiya kya makasha awo.

⁹ Nnga'niseny Nndumi Iruva, Iruva weeru Indyeny mwilolaa ifumbu lyakwe yeele, Mashika Nndumi Iruva, Iruva weeru, mmbwe mweele!