SABURI 95 - BIBILLYA Mareiyo Meele a Iruva

Kyiimbo Kya Irumisha

¹ Oshony, lwiimbye Nndumi Iruva! Kapeny ukoru mbanga ya ukyiro lweru!

² Lushe usanguny lwakwe lwimwaanaa. Lunkapye ukoru kwa fiimbo

³ Mashika Nndumi Iruva, ni Iruva nniini, Na Mangyi niini uwe ya maruva moose.

⁴ Mamungo a ulana mmbo akee mayiny akwe, Na nyuroro ta mafumbu ni masaa akwe.

⁵ Yeeve ni lyakwe, mmbwe alelyuumba. Na maako akwe akaumba uruka uumu.

⁶ Oshony, lwiindye, lunfirye ndi. Lufirye ndi usanguny lwa Nndumi Iruva aleluumba,

⁷ Mashika mmbwe Iruva weeru. Na yese mmbo lukee vaura lwakwe, Na moonri a woko lwakwe. Kyevaa ngwaana, inu mwaranyi unyanga lwakwe,

⁸ “Mulasheiumisa ngoo tany-fo Sha lya kulya Meriba Sha nkonu ulya wa Masa kulya kasa ngalo.

⁹ Yoo vande vany valeshivika kyeesyony; Vakasheesa, vakallya mashora akwa.

¹⁰ Myaaka makumi aana nsheting'wa kya irika elyo, Shaamba, “Yewo ni vandu varavi ngoony, Mmbalemanya shia takwa-fo.

¹¹ Sharooywa ngoo, shalya mboo, Mmbashaangaa ifureny lyakwa-fo.”