SABURI 93 - BIBILLYA Mareiyo Meele a Iruva

Iruva Mmangyi

¹ Nndumi Iruva akeeshilillya, aree itumbe, Nndumi Iruva aree itumbe na akwinivye finya; Ee-da ulana lukeevinive llushering'inaa-fo.

² Kitima kyafo mmbo kitiri wiidimi pookya kasha. Yewe mmbwe kuiyo kufike llung'anu.

³ Woi Nndumi Iruva, mira ikeeyoona. Mira ikeeyoonisa unyanga; Mira ikeeyoonisa matundulu a vayo.

⁴ Nndumi Iruva Akee uwe mmbwe atiri uniini Kailannya yoona lya mura mwiingyi! Kailannya matundulu a yeeve urooye uwe.

⁵ Ee, Nndumi Iruva, llung'anu na llung'anu. Mavavasyo afo ni a dede, Weele llo luisurye mmba yafo.