SABURI 91 - BIBILLYA Mareiyo Meele a Iruva

Iruva Nringi

¹ Yeto akee kwasi ya uringyi lwa Yeu Akee ando A uwe Mmbo akaa kirisheny kya Muni finya.

² Mmbo shishaambaa, Nndumi Iruva mmbwe kirishony kyakwa na turuve yakwa, Iruva wakwa shimmbikye nsia.

³ Mashika we akuuta nreiyony Akukyiraa na ndwari shikasha.

⁴ Mmbo akusikyaa na maaru akwe. Nkuwonisa kirishony kwasi ya maaru akwe. Usaari lwakwe mmbo lukukyiraa na ikuringa.

⁵ Nkushiirya werei lwa kio-fo, nta ngapanu ya nsanyiny-fo.

⁶ Nta ndwari ta kio-fo, Nta ngapwa ta nsanyiny-fo.

⁷ Naakwa vandu kyiku vawa uwe yafo, Ee-da fiku ikumi vawe taari ya woko lwafo usha, yefyo fikuserikyaa-fo.

⁸ Lyo mmbo miso afo alollyaa; Kulollye weesi lwa vandu valatiri usumanu.

⁹ Mashika Yewe Nndumi Iruva, nyewe kirishyony kyakwa, Mmbo kulealwa Yeu Akee ando A uwe ave kyirembo kyafo.

¹⁰ Makasha nnyakukooya yewe-fo; Nta ndwari shikasha nnyiserikyaa yeema lyafo-fo.

¹¹ Mashika mmbo ashevavasya vasu vakwe Vakuringe shiyeny tafo shoose

¹² Vakwiipoo mayiny awo Naambo kulasheikapa urende iweny.

¹³ Mmbo kavavaraa miiso na shoka; Mwana wa miiso na shoka shiniini nnu kavavare na marende!

¹⁴ Mashika Iruva ankarya ikukunda, Kaamba, “Mmbo shinkiraa, shimmbike ando a uwe, Mashika ammanya Irina lyakwa.

¹⁵ Mmbo avaanga, neny shimwiirikye; Nkaa ando amwi nawe ngatareny. Mmbo shinkiraa na inganisa.

¹⁶ Mmbo shimmbutisaa mikonu miingyi Shinniinge ukyiro lwakwa.”