SABURI 87 - BIBILLYA Mareiyo Meele a Iruva

Irumisha Yerusalemu

¹ Iruva mmbo aletannya mmba yakwe Uwe ya ifumbu lyakwe yeele.

² Nndumi Iruva mmbo akunndye muri wa Sioni Ngota marembo engyi a Yakobo

³ Ee muri wa Iruva, kukee nsende kwa mbony, Ta kishimbira!

⁴ Nnang'ani ya yewo washiishi veefo vandu Wa Misri na va Babilony! Na vengyi mapokyony awo okye Sioni ni Vandu va Filistia, Tiro na Esopia.

⁵ Mmbo kyirerwa endi kya Sioni, “Sioni ni maye wa woose, Iruva yeu wa uwe mmbwe asheukarisaa.”

⁶ Nndumi Iruva mmbo ashereiya vandu va masanga, “Yeu mmbo avonikye-fo”

⁷ Woose mmbo vatavana na iimba, “Yewe Sioni nkwafo luukye!”