SABURI 8 - BIBILLYA Mareiyo Meele a Iruva

Itumbe lya lruva na mikaaye ya vandu

¹ Woi Nndumi Iruva, Irina lyafo, Nndumi weeru; Shaasa Irina lyafo lyikee yeele urukeny koose! Na usuri lwafo lukafika iruveeu!

² Kwarumishwa ni vana vadu naakwa ni yewo vashoongaa, kwasalala kyuumi mbee ya vakiduva vafo, kweerikisa vakiduva woose.

³ Shalola nginii-u, mashora a maako afo, mwiiri na nyinyiri ni yewe kufitannyi.

⁴ A nndu nkyoki kukusare kyakwe? Na mwana wa nndu nkyokyi nta kunsare?

⁵ Naakwa ni indo, kwamwaallwa mwaangu kinywa ngota Iruva na imbika utore na wiindi.

⁶ Kwanniinga ushilyi uwe ya mashora afo moose, kwanrambikya findo fyoose sumbai akwe.

⁷ Ando amwi moonri, ngumbe na mafisi a ngoroshony,

⁸ ndeye, makunga a mureny na fyuumbe fyoose, na fyoose fikee efo yeeveny.

⁹ Woi Nndumi Iruva, Nndumi weeru; Shaasa Irina lyafo lyikee yeele urukeny koose.