SABURI 61 - BIBILLYA Mareiyo Meele a Iruva

Kiterewo kya uringyi

¹ Shakufuuya, Woi Iruva! Kwaarannye kiterewo kyakwa!

² Shakufuuya shikee mbai ya ulana, Kyeeri nrima wakwa wikee nrovye, Kushitetere kushifite udooro-u,

³ mashika yewe mmbwe ngarami yakwa, Ngo itiri finya, uwe ya vakiduva vakwa.

⁴ Shakutereva shikee yefo mmba kwafo llung'anu, Kundo kutiri uringyi lwafo!

⁵ Ewe Iruva, mmbo kulemamita fyaasa fyakwa, Neewe kwashisimba kilya kyikwaani neeny kya valya vaereiye irina lyafo.

⁶ Simba mangyi muu mwaasha! Myaaka yakwe yeekyene ngyeeri na ngyeeri!

⁷ Mwiidimisye ashillye llung'anu usanguny lwafo yewe Iruva. Isarya na ilyillya lyafo fintetere.

⁸ Kweekyo mmbo shikwiimbya fiimbo fyeerumisha irina lyafo Kyeiinndya fyaasa fyakwa mikonu myoose.