SABURI 6 - BIBILLYA Mareiyo Meele a Iruva

Kiterewo kyeeri kya ukyiva

¹ Woi Nndumi Iruva, Kulashisakire kwa unyafi lwafo-fo, Kulashikape kwa unyaasi lwafo-fo.

² Shifwaaya woi Nndumi Iruva, elyi shikee nnana, Shikaarisa woi Nndumi Iruva, mafua akwa akooye ivanga.

³ Shiifo shisavaa nnu muuny mmbwakwa, a Nndumi Iruva, mmbo kukyeeywa-fo kufike indii?

⁴ Shiindukya woi Nndumi Iruva, kushikire muu wakwa, kyeendwa ni isarya lyafo.

⁵ Efo kwafu nkwiifo akukumbuye-fo, a mmbi akurumishaa efo kwa varumu?

⁶ Shammba nnana kimaruma kya ilwaa lyakwa, misoru ikaishwa efo kitareny elyi kio, Kitara kikashoshoka misoru a kiiyo kyakwa.

⁷ Iriso lyakwa lyallyamarika kyimaruma kya ukiva lwakwa lyikafumba na ilemwa ilollya, Kimaruma kya kiiyo, kyeendwa mmbakiduva vakwa.

⁸ Eni veetana uravi, ukeny efo mbee yakwa, Mashika Nndumi Iruva, amiita unyanga lwa kiiyo kyakwa

⁹ Nndumi Iruva ammiita kyeerero kyakwa, Nndumi Iruva asharannyaa kiterewo kyakwa.

¹⁰ Vakiduva vakwa woose vashesukaa neetafukwa kyuumu; vashesukaa neetafukwa, vavuyaa numa veesuukye.