SABURI 57 - BIBILLYA Mareiyo Meele a Iruva

Kiterewo kya weekyi

¹ Shilillya, woi Iruva shakutereva shilillya! Mashika sharishya kwafo ishekusuruma. Kutani iruruma yelyo lya urumato lyamalallya.

² Shafuya Iruva yeto muni finya, Iruva atiri finya mwiishitannya fya usha.

³ Mmbo asherumaa ngarami yuuka iruvee-u yeeshikira, Ashesuta yewo vakeeshikakasha. Iruva asherumaa ilillya lying'ani na ikunda lya dede.

⁴ Mmbo shikee nshingillye Ni miiso titirwa ni isanga lya irattwa vana va vandu Mayoo a vayo akavaka mafumu na mife, Ulumi lwa-vayo ni usu unnwe.

⁵ Nng'anu ni wafo, uwe iruveeu! Itumbe lyafo lyikwaani ulaniny koose.

⁶ Vakiduva vakwa vakashaallya nreiyo. Nrima wakwa ukasokywa fyoova. Vakashisumya irina, Kundo nshiira indi wo veni vakawa-fo.

⁷ Ee Iruva, nrima wakwa mmbo wiishwe ifura, Nrima wakwa wiishwe ifura, Mmbo shishekwiimbyaa, shikape nndoro!

⁸ Kwiipony, nrima wakwa! Kwiipony, fivale na sese! Kwankya, moose kwiipony.

⁹ Ee Iruva shishekwaana yewe nnang'ani a masanga. Shishekwiimbya fiimbo fyekwaarafuma.

¹⁰ Isarya lyafo lying'ani fika iruveeu. Yilyillya lyafo lyikapaana mafishi.

¹¹ Ni yewe kurumishwaa, Ee Iruva iruveeu! Itumbe lyafo lyikwaani ulaniny koose!