SABURI 53 - BIBILLYA Mareiyo Meele a Iruva

Ulyamari Lwa Nndu

¹ Matondo efo nriminy mmbo aamba, “Nkwiifo Iruva-fo.” Mmbo vatana makasha alavaa yaamba; Woose vakatana ulyamari!

² Nndumi Iruva kalola nndu wa vandu ukya uwe iruveeu Alole kwakooya kwiifo nndu; Atiri urango eefo aruuya Iruva,

³ Wo umwi kalla na shia yakwe Kulaifo nta umwi atiri usumanu, Ee nta umwi-nsi-fo.

⁴ A ndesa yewo vakelyamara mmbo valeeshi? Vakeelya vandu vakwa Sheelyi veefo valyaa mangolo, Valakunndye Nndumi Iruva.

⁵ Vakaereya andu kulaiyo weerei; Mashika Iruva ambanyanyata, Kanyanyata mafua a vakiduva vawo, Mashika Nndumi Iruva ashevasutaa.

⁶ Kukooye ukiro lwa Israeli lweshukaa Sayuni! Elyi Nndumi Iruva asheviiraa, Vafingwa va vandu vakwe, Yakobo ashekapa kilewa, Nawe Israeli ashefuraa.