SABURI 47 - BIBILLYA Mareiyo Meele a Iruva

Mangyi Ang'ani

(Kyiimbo kya Vana va Kora)

¹ Eni vandu woose kakapeny maako! Rumisheny Iruva na unyanga uniini!

² Kimmba Nndumi Iruva eto wa uwe eto aeresye. Mmbwe mangyi ang'ani ulaniny koose.

³ Kalukapannya lukavinga vandu va uruka woose, Na masanga lukaashillya.

⁴ Dingu lutiri mmbwe aluniingye, Kyeendwa ni Yakobo nkunde wakwe.

⁵ Iruva anrwa na uwe erumishwaa. Vakakapya Nndumi Iruva mbembe vefuraa.

⁶ Imbyeny Iruva, ee imbeny; Imbyeny mangyi weeru, ee imbeny!

⁷ Mashika Iruva mmbwe mangyi ya uruka loose. Imbeny fiimbo mwimwarafumaa!

⁸ Iruva mmbwe aitorye masanga, Ekaaye kitima kyakwe kyeele,

⁹ Vasongoru va vandu vakakuumbya. Vave vandu va Iruva wa Abrahamu. Mmbwe ngao na finya ya ulana loose. Mmbwe aeresye na yiindyo.