SABURI 45 - BIBILLYA Mareiyo Meele a Iruva

Kyiimbo kya Walyi lwa Kimangyi

¹ Ngoo yakwa yiishwe nsia! Yeny mmbo shaamba ekyo shiletannya mangyi, Uumi lwakwa lakavaka mwireiya mwaantu.

² Mmbo kukee nsha kwailannya vandu Marero afo ni uleke. Nawe Iruva kakuniinga mbora llung'anu.

³ Kufingye upanga lwafo kisiny! Mashika yewe mmbwe lukuvikye nsia!

⁴ Latya fira, kuvinge, Kwikapannya usumanu na udede. Finya yafo ikuniinge ivinga lying'ani!

⁵ Mife yafo ni myoovi, Ikaidima iwaa vakiduva va mangyi. Na masanga a vandu vakafwa.

⁶ Kitima kyafo kya ushilyi ni Iruva akuniingye. Nakyo mmbo kyikaa llung'anu na llung'anu, Na vandu vafo kwavashillya kwa usumanu.

⁷ Kwasalallya usumanu kwasua ukasha; Nkyo kimaruma Iruva, Iruva wafo kakusauwa, Na ikupusuya ifura kilanya ya vengyi.

⁸ Masara afo akatira mfwaamu nsha. Veembi vakaimbya kwafo, Efo mmba tishopyo na mbembe ta shofu.

⁹ Vana va kyeny va kimangyi. Nawo vakashekwaammbya. Na nka-mangyi eselelyi woko lwafo usha, Eree saabu shisha ya Ofiri!

¹⁰ Na yewe mwana shaarannya, Kushaarannye nnu Rekywa na ilakana na vandu va kwany,

¹¹ Kisangu kyafo kyansennya mangyi, We mmbwe mmi wafo, kuti kumwiindye.

¹² Vandu va Tiro vekweengye masaa awo, Na masimba akundaa ikulunga na yewe.

¹³ Mfu wa mangyi efo eshangaa, Eree soori shisha nnu ta saabu.

¹⁴ Amma ifitwa alya mangyi akai, Eree soori ta mavara-vara meengyi.

¹⁵ Veshiimbaa na ifura nnu, Vakafika na yaanga kulya mmba ya mangyi,

¹⁶ Yewe mangyi mmbo kushewona vana veengyi, Vasheshillya andu a vamiku vafo, Nawo mmbo vasheshillya ulaniny koose.

¹⁷ Irina lyafo mmbo lyikwaana ulaniny koose Lyishiitikiswa na irumishwa, Fyeeri fyoose fika llung'anu.