SABURI 43 - BIBILLYA Mareiyo Meele a Iruva

Kiterewo Kya Nndu Akeerishiswa

¹ Kaa kyaalu kyakwa woi Iruva! Kushiringe efyo fya utefusu, Kushuute valyamari na veamba wongo.

² Nringi ni yewe Iruva wakwa. A nkikyi elyi kwashira kwaasha? A nkikyi elyi nshengeraa ivavyo, Shishaatarwa ni vakiduva vakwa?

³ Ruma udede na saa yafo; fiidimi ishitetera yeny. Shifike ifumbuny lyafo yeele yoo andu kwafo kwekaa.

⁴ Ee Iruva llyo shishendaa yoo meseny yafo, Ni yewe kishoru kya ifura lyakwa Llyo shishekapaa finanda fya ura, Shikurumishaa, Ee Iruva, Iruva wakwa!

⁵ A nkikyi elyi shatingwa indo? A nkikyi elyi shishaatarikaa indo? Mmbo shivikaa nsia wakwa kwa Iruva! Na lyingyi shinrumishe we, We mwikira na Iruva wakwa!