SABURI 4 - BIBILLYA Mareiyo Meele a Iruva

Kiterewo kya ngarami elyi nkwaany

¹ Woi Iruva nkureekyi wakwa, shirouwa elyi shikuvaangaa, Kyeeri shekee ngatareny kwashitarama, Shilillya kwaarannya kiterewo kyakwa.

² A mmbo mushaara-raa kufike kwi eni vandu? A nkikyi mwakunda nguya na iruuya wongo?

³ Indi manyiny sheelyi Nndumi Iruva ammensauwa eto ankundye, Nndumi Iruva kyeeri kyoose kaarannya kyerero kyakwa.

⁴ Ereyeny nta mulashetana ulyamari Kusareny nesoongya elyi mweenda iimuya;

⁵ Niingyeny firaso fya usumanu muvekusirya Iruva mwitorya.

⁶ Veengyi mmbo varera vakaamba Mmbi asheloora mesha? Woi Nndumi Iruva, kulumikye na kisangu kyafo. Kululillye.

⁷ Indi ifura kushiniingyeny nriminy llyiilannyi lyawo, naakwa vatiri fyeena na fyeelya,

⁸ Yeny mmbo shitiri unapwe shiilele rony, mashika ni yewe kumuni Nndumi Iruva, Nyewe kukee nringyi wakwa.