SABURI 32 - BIBILLYA Mareiyo Meele a Iruva

Ikurya Ulyamari na Ifwaaywa

¹ Ngoma nndu nsarye ulyamari lwakwe, Na ulyamari lwakwe ilakikumbuwaa!

² Ngoma nndu Nndumi Iruva ammusarya, Nndu nalatiri ntambo nriminy wakwe!

³ Shiikimalallya shasiiyo ni finya, Shasinda nkonu piti shiivavyoo.

⁴ Kio na nsayiny sharovyo ni woko lwafo. Shasiiyo ni finya shaoma pony, Shava sha kisie kyatura mmbwa.

⁵ Shakurambuya mitannyi yakwa Nta nshilesuruma ukasha lwakwa-fo, “Shapara ulyamari lwakwa loose kwa Nndumi Iruva.” Na yewe kwashisarya urekwa lwakwa!

⁶ Kwa ekyo wo nndu nsumanu, Nakutereve kimmba kukee kufii kuleefo kindo kimpaana, Kyeeri kya ngatara shiingyi.

⁷ Yewe mmbwe finya yakwa; Na andu kwakwa kwa ikusuruma, Finya ya ukiro ikashisengetya.

⁸ Nndumi Iruva kaamba, “Shikoora shia kushiraa, Shikuteteraa na ikusongoya.

⁹ Mulashevaka frasi na kyoongo Efyo fiitikyoo wo kindo Sanda na ikapwa ngova, Llyo fiidimi yiirikya.”

¹⁰ Ngapo ta nravi ni shiingyi Indi yeto akusirye kwa Nndumi Iruva; kyeeri kyoose atiri nsia.

¹¹ Fureny eni vandu va usumanu! Kapeny Nndumi Iruva mindoro, Eni moose va mirima itiri nsia!