SABURI 30 - BIBILLYA Mareiyo Meele a Iruva

Yaana Iruva

¹ Shakurumisha yewe Nndumi Iruva, Mashika kuleshikira, Nta nkulelekeya vakiduva vakwa Vashiteende-fo.

² Ee Nndumi Iruva, Iruva wakwa, Shilekufuuya na yewe kwashirikya

³ Ee Nndumi Iruva, Kuleshikira kwa varumu, Kwashuuta efo shie ta vakasha,

⁴ Imbyeny Nndumi Iruva, yeni veele vakwe, Kummbweny usaari lwakwe na imwaana.

⁵ Ngoo takwe nshaangu, Indi usaari lwakwe lukaa meeri moose, Nkwaany kwiifo fiiyo, Kyaindi ngama ni seko.

⁶ Neeny shaamba efo muuny wakwa, Nkwiifo kindo kishipaana-fo.

⁷ Ee Nndumi Iruva, kwi isarya lyafo, Kwashiniinga finya, Shavaka ifumbu iniini, Kyeendi kwakusuruma kwaasha neeny, Neeny shasaukwa.

⁸ Ni yewe shilekufuuya, ee Nndumi Iruva, Shakooshora yewe Nndumi Iruva.

⁹ A ndesa, shafwa kukooya mbusha-ki? Kwiifo mbusha-ki shammerikwa? A, ndesa ewo vafu Vashiidimaa ikurumisha? A, ndesa vashiidimaa usha lwafo uniini?

¹⁰ Aranya woi Nndumi Iruva kushililye, Ee Nndumi Iruva kusheekye!

¹¹ Yewe mmbo kwaallwa kiiyo kyakwa Kyikava kiimbo kyeefura, Kwashangata misoru yakwa Kwashishurya seko shapu.

¹² Kweekyo nshiidimaa imalallya-fo, kyeendi nshiimbaa usuri lwafo, Shikwaani llung'anu, Ee Nndumi Iruva;Iruva wakwa.