SABURI 3 - BIBILLYA Mareiyo Meele a Iruva

Kiterewo kya Ngarami elyi Ngama

Kyiimbo kya Davidi kyeeri kilya afo arishaa Absalomo

¹ Woi Nndumi Iruva, vakiduva vakwa ni veengyi, mmbengyi nnu yewo vakee ishiringitya,

² Veefo veengyi vakeamba vai, nkwiifo weeki looka kwa Iruva, “Vai yewe Iruva nkusheekyaa-fo!”

³ Indi yewe Nndumi Iruva kyeeri kyoose ni yewe ngawo yakwa. Kwafo shakooya-fo finya na ngarami.

⁴ Shafuuya Nndumi Iruva na unyanga uniini, nawe ukya ifumbuu yeele kashirouwa.

⁵ Llyo shaidima ilala rony, neekwipoo-se, nyeelyi Nndumi Iruva ashikaarisye.

⁶ Nshisheereyaa vandu fiku ikumi yewo vanshiringitya, kushiringitye wo taari-fo.

⁷ Osho woi Nndumi Iruva! Kushitarame woi Iruva wakwa! Yewe kwafisha-fisha vakiduva vakwa woose kwavafisha myuundu na mayoo valashipaani.

⁸ Mwiikira ni yewe Nndumi Iruva Na mbora yafo ive kwa vandu vafo.