SABURI 24 - BIBILLYA Mareiyo Meele a Iruva

Mangyi Nniini

¹ Ulana na fyoose fiifo ni masaa a Nndumi Iruva, Uruka na woose vakee uwe ya vavyo ni vakwe.

² We mmbwe avikye nsuka wa ulana uwe ya yeeve, Kalusummya uwe ya mira miniini.

³ Mmbi akee nsumanu wa isaama ifumbu lya Iruva-Mwitorya? Ni mmbi asumannyi yaanga Efo mmba yakwe?

⁴ Ni vandu valya vamurundya na nrima mwaa, Valaindyaa maruva engyi, Nta ilya mboo ya wongo-fo.

⁵ Nndumi anringaa na immbikya mbora; Iruva mmbo amwaallwa wa usumanu.

⁶ Eyo nnyo mikaaye ya vandu varuuya Iruva, Mikaaye ya vandu vafikaa, Kwa Iruva wa Yakobo,

⁷ kyasiany! Eni myaango ruikeny, Ruikeny eni myango ya kasha, Naambo mangyi ya itumbe naange.

⁸ A mmbi mangyi yeto wa itumbe? Ni Nndumi eto atiri finya na wiidimi, Nndumi mwiwinga fira.

⁹ Eni myaango ruikeny, Ruikeny eni myaango ya kasha, Naambo mangyi ya itumbe naange.

¹⁰ A mangyi eyo mmbwe vi? Ni Nndumi Iruva muni finya, We mmbwe mangyi ya itumbe.