SABURI 20 - BIBILLYA Mareiyo Meele a Iruva

Kiterewo Kyeevinga

¹ Iruva muni finya nakurouwe kyeeri kya ngatara, Nawe Iruva wa Yakobo nakuringe.

² Uka efo mmba yakwe sheele nakurikye ngarami, Nawe nakuniinge mweekyi uka ifumbu lya Sioni.

³ Nawarye firaso fyafo fyoose, Efyo kulennrasya nafyo.

⁴ Nakusimbe efyo kulangye, Nakusongoye efo mashoreny afo moose,

⁵ Neese lukape nndoro kyevinga lyafo, Luvike kilyilyika na irumisha Iruva.

⁶ Ulaalu shammanya Nndumi Iruva mmbo asheekya Mesya-wakwe; Ashenrouwa-ooka iruveeu kwakwe kweele, Kya mashora maniini a uvingyi lwa woko lwakwe usha

⁷ Vengyi mmbo vakushela na mitika ta fira, Vengyi frasi tawo, Indi yese mmbo lukusirye, finya ya Nndumi Iruva weeru.

⁸ Vandu va ngata eyo Mmbo vakooya nsindara neewa, Indi yese mmbo lusalala shumu.

⁹ Niinga mangyi ivinga, Woi Nndumi, Na ilurouwa elyi lukuvangaa.