SABURI 15 - BIBILLYA Mareiyo Meele a Iruva

Mbuya ya Iruva(Saburi ya Davidi)

¹ Woi Nndumi Iruva mmbi ashekaa yefo yeemeny lyafo? Mmbi ashekaa yefo ifumbuny lyafo yeele?

² Ni yeto alatiri mbese, Na mwitana fya usumanu Na mwirera dede yuuka nriminy wakwe.

³ Yeto nalashaamba fya wongo, Nta itannya urooye ukasha, Nta iriinngya amurasa wakwe.

⁴ Kakyeemya yewo valyanga, Indi kaindya yewo veereiye Nndumi, Yeto nalashalasha irero lyakwe,

⁵ Yeto aniingya fesa takwe, Nta nalakunde-fo mbusha, Nta nalawarya kya mmwasi. Naambo natuurwe nndu nalakwaani. Yeu atana indo mmbo ashekaa-fo llung'anu.