SABURI 149 - BIBILLYA Mareiyo Meele a Iruva

Nganiseny vakunde

¹ Haleluya! Imbyeny Nndumi Iruva kiimbo kiiya. Nnduma wakwe ukwaani efo vanduny vakwe vakunde.

² Israeli nakyese neeto alemuumba. Vana va Sioni vafure neekabya mangyi yaawo ukoru.

³ Vang'anise irina lyakwe veekyesaa, vamwiimbye, vefinaa mbasa na kinanda kya ura.

⁴ Mashika Nndumi Iruva mmbo afurye na vandu vakwe; Kavika yewo vafoo ureto lwa ukiro.

⁵ Vandu vesha vakyese na itumbe lyakwe. Veembe na nsia nniini kyeeri valele.

⁶ Nnduma nniini nnu wuuke kaniny kyawo, Na usu lwa nkwakuvii efo wokony lwakwe

⁷ Naambo nataiye vandu va masanga kiduva Nataiye vandu ukasha lwawo.

⁸ Na vamangyi vawo vaavikwa na mise ya minya Na vasongoru vawo vafingwa na bangilyi ta minya.

⁹ Itaiya vandu va masanga efyo fikee fivavasye. Yelo llo wiindi lwa vesha vakwe woose. Haleluya!