SABURI 147 - BIBILLYA Mareiyo Meele a Iruva

Irumisha Iruva muni matorito

¹ Haleluya! Ng'aniseny Nndumi Iruva, Mashika mmbo kisenyi yiimbya Iruva weeru! Mashika mmbo kisenyi, inganisa nkisha nnu!

² Nndumi Iruva mmbwe atiryeu Yerusalemu Koombya vana va Israeli yewo vanyanyakye,

³ Kashiisa yewo vakunyiisye nriminy, Kashiisa fishavere fyawo.

⁴ We mmbo aishi yeekyena lya nyinyiri toose kavetiniinga marina

⁵ Nndumi Iruva ni nniini, mmuni finya toose! Nta urango lwakwe llutiri nnyanu-fo!

⁶ Yewo vakee vafoo Nndumi Iruva mmbo avasaleesa, Neewo va kiila kavatuula si.

⁷ Imbyeny Iruva fiimbo fyeemwaana; Imbyeny Iruva weeru na kinanda kya ura.

⁸ Mashika mmbo asikya ngina na mafishi, Keengye uruka mmbwa, kavemiisa mooro efo mafumbuu,

⁹ Ekyo kitiri muu kakiwonisya shoonga ya vayo, Naako ni makukuru.

¹⁰ Nnyasenywa mfinya ta frasi-fo; Nta finya ta vasikari va marende-fo;

¹¹ indi Nndumi Iruva mmbo asennyo ni yewo veemwiindya, Vakavereya isarya lyakwe.

¹² Rumisha Nndumi Iruva, Ewe Yerusalemu! Neewe Sayuni, Rumisha Iruva wafo!

¹³ Mmbo avangisa myaango yafo Kavikya vana vafo mbora.

¹⁴ Mbweeto eende ufoo urukeny lwafo Kakuwuutisa na mbora ya nganu.

¹⁵ Mmbo avika ivavaso lyakwe urukeny Na irero lyakwe lyikakwaana!

¹⁶ Mmbwe yeto eende laura ya kyaamwi; Na laura ya kyamwi kaipuswa sha ifu.

¹⁷ Na mmbwa yakwe kaipuswa. Na mbyoo yakwe mmbovi aisisiryaa?

¹⁸ Irero lyakwe mmbo alyiruma fyoose fikeeka. Keenede uraato lwakwe na mira ukeeka.

¹⁹ Kaongoya Yakobo irero lyakwe Na Israeli kanniinga mavavaso akwe,

²⁰ Nkwiifoo vengi valentannyo findo sha efyo-fo; Nta vengi mmbalemanya kya mavavasyo akwe-fo. Haleluya!