SABURI 144 - BIBILLYA Mareiyo Meele a Iruva

Mangyi aana Iruva elyi alevinga fira

¹ Nndumi Iruva neetikiswa, yeu akee isimamba lyakwa. Yeu aleshilosha shaasa shikabanaa.

² Kukee mwishisarya na mbanga yakwa. Isimamba lyakwa na mwiikira wakwa, Ngawo yakwa shilekurishya, kwavevika vandu vakwa si yakwa.

³ A nndu nkyoki Nndumi Iruva kutani kwallola, Na nndu wa vandu kutani kwamweekya?

⁴ Nndu wa vandu nruu deny; Suku takwe nsha kirishe kishiira veru.

⁵ Nndumi Iruva fuma efo kukai kushelweekya. Kubaane mafumbu oote nsu,

⁶ Kweende fimwii vanyanyake! Kuvaase na mife yafo vasava-e!

⁷ Koorwe woko lwafo luuka efo uwe kushikire; Kushuute ndilyiny yei, maakony a veny.

⁸ Kana kyawo mmbo kyarera findo filavaa; Vakatana fya wongo.

⁹ Woi Iruva wakwa nshekwimbyaa kimbo kiiya! Shikwiimbye na kinanda kya ura kya nruu ikumi.

¹⁰ Yeto aniinga vamangyi ukiro! Kaveauwa nsero wakwa Davidi nalashewaawa noosu.

¹¹ Shikirandwa mbee kushaauwe maakony a vandu veny! Kana kyawo mmbo kyarera findo filavaa, vakavetana fya wongo.

¹² Vana veru efo ukoony lwawo mmbo vavake mooro umyaa Neewo va kyika vavake ngo teefo mbai Yeto tikee shishobe naambo titokobe mmba ya Iruva.

¹³ Fisike fyeru fishwe shoonga ta-wo ngata Na moonri eru afwarike afyaa fiku na makumi fiku efo ngyureny teru

¹⁴ Nato ng'umbe teru tifwarike kulaifo ngatara, Nta tilasamiswa samiswafo, nta kulakaefo mwiitikunung'unnya-fo.

¹⁵ Ngoma nnya yewo vashevaa indo! Ngoma ni ya yewo vatiri Nndumi Iruva kava mmbwe Iruva waawo.