SABURI 142 - BIBILLYA Mareiyo Meele a Iruva

¹ Mmbo nshoonisaa unyanga shifuuye Nndumi Iruva; Shoonise unyanga shetereve Nndumi Iruva.

² Shimoore makiva akwa paa Shaambaye yoo mbee yakwe.

³ Kyeeri shilefwa nrima mmbo kulemanya kyakwa, Neefo shieny yakwa vakashivikya-fo misoori.

⁴ Nkyelola taari ya woko usha, nkwiiyo mwishekya-fo, Kweerishya nkwifo-fo! Nta mwishiviirya muu nnyaiyoo-fo.

⁵ Nndumi Iruva mmbo shakuvaanga shaamba, “Kirishony kyakwa ni Yewe, Nyewe waavi lwakwa urukeny lwa yewo vakee na muu.

⁶ Kushaarannye kiiyo kyakwa, Mashika elyi shallyilyiswa nnu. Shaawa yewo vakeshiruuya, Mashika wo vatiri finya ngota yeny.

⁷ Shaauwa efo kifingyony, shiwoni mwaanya wa ikwaana Yew ova usumanu mmbo vasheshiringityaa, Elyi Yewe kusheshitannyaa kya isarya.”