SABURI 14 - BIBILLYA Mareiyo Meele a Iruva

Ulyamari lwa Vandu

¹ Matondo mmbo aamba, “Nkwiifo Iruva-fo.” Vakafuluta mitannyi yaawo, Nkwiifo nta umwi atana mesha-fo,

² Uka efo Iruveeu Nndumi Iruva kalola vandu, Alole kwakooya kwiifo nta umwi atiri urango, Eefo aruuuya Iruva.

³ Woose mmbo varekye, Mmbo valyamarye woose deny; Kuleefo nta umwi atannyi fisumannyi, Oode nta umwi-fo.

⁴ A woose mmbo valatiri urango, Yewo vetana fya ulyamari Yewo vakeelya vandu wakwa, shaelyi valyaa mangolo Nta valekesara kyakwa yeny?

⁵ Kwikaa kusheva-fo weresi uniini, Mashika Iruva mmbo akee na irika lya valya vausumanu. Indi Nndumi Iruva kavakapannya.

⁶ Kushiidima ifolongya mbony ta nndu nnana Indi Nndumi Iruva mmbwe kirishyon kyakwe.

⁷ Ukiro lwa Israeli luuke Sioni Kyeeri Nndumi Iruva asheporommwa, vandu vakwe Yakobo mmbo asherumishaa Israeli mmbo ashefuraa.