SABURI 138 - BIBILLYA Mareiyo Meele a Iruva

Kiterewo kya kyaanu

¹ Mmbo nshekwaanaa na nrima wakwa moose; Shikwiimbye fiimbo fya saburi maruva moose neete.

² Mmbo nshekwiinndya efo mmba yafo sheele. Mmbo nshaanaa irina lyafo Kimaruma kya ilyillya lyafo na usha lwafo Kimmba kulenangisa kyaasa kyafo, Ngota irina lyafo.

³ Kyeeri shilekuvaanga mmbo kuleshiirikya; Kwashiviirya muu neeshivika finya.

⁴ Vamangyi woose va ulana mmbo vashekurumishaa, woi Nndumi Iruva, Elyi vasheetaa ekyo kulerera.

⁵ Yee, mmbo vasheembaa kya mitannyi yafo, Mashika itumbe lya Nndumi Iruva ni iniini.

⁶ Nndumi Iruva mmbo akee uwe alollye yeto akunyiisye, lla elyi akee uwe deny, Eekee kwaasha kavelollya neeto mwiikunganisa.

⁷ Naakwa shaona ngatara yewe mmbo kwashiviiryaa muu, Unyafi lwafo mbo lushelollyo kwa vakiduva vakwa. Na woko lwafo usha mmbo lusheshaauwaa.

⁸ Mbony takwa toose kushetivisaa woi Nndumi Iruva Isarya lyafo llya llung'anu, woi Nndumi Iruva, Kulare mashora afo eesarya.