SABURI 13 - BIBILLYA Mareiyo Meele a Iruva

Kiterewo kya Weekyi

¹ Woi Nndumi Iruva mmbo kushirekywaa kufike indii? A mmbo kushisuruma kisangu kyafo fika indii?

² A mmbo shisisiryaa mavavyo a nrima kufike indii? Fika llung'anu? Na isokywa mfoova mikonu simu. A mmbo vakiduva vakwa vafuraa kufike indii?

³ Woi Nndumi Iruva wakwa; Lola kwashiirikya; Kushaambure miso, akwa Shilashelala rwe ta ufu.

⁴ Nkiduva wakwa nalasheamba, Anshivinga. Vetuuro vakwa valashefura shishutwaa-u.

⁵ Na yeny shakusirya ikunda lyafo, Nrima wakwa ukafura kya ukiro lwafo

⁶ Nshiimbyaa Nndumi Iruva Mashika aleshitannya mesha.