SABURI 129 - BIBILLYA Mareiyo Meele a Iruva

Kiterevo kya vakiduva

¹ Uka udu lwakwa mmbo valeshilyisa ukiva Ulaalu Israeli naambe.

² Uka udu lwakwa mmbo valeshilyisa ukiva Lyo valashiidimi.

³ Mmbo valeshimamanya mungo, Sheelyi varemi varema si.

⁴ Nndumi Iruva muni karummbwa fyoove efyo fyeeshifingye.

⁵ Yewo vasuke vawuye numa, Woose yewo vasuuye Sayuni.

⁶ Naasany vave sha mare ya ammyaa mbeeny akaveeuma uviny

⁷ Nta nnyishishwaa ng'unde nta kyeeva-fo.

⁸ Neewo vashiirau mmba shaambaa, “Ufoo lukee neeni; Mmbo lwaamuvikya mbora na irina lya Nndumi Iruva.”