SABURI 126 - BIBILLYA Mareiyo Meele a Iruva

Kiterevo kya ukiro

¹ Kyeeri Nndumi Iruva aleauwa yewo vakee vakamare mifungwa va Sioni, Yese mmbo luleva sheelyi lukee yoorya,

² Na kana kyeru kakaishwa seko, Na ulumi lukakaba ukoru neefura. Lyo vandu va masanga valeamba, “Nndumi Iruva mmbo ambatannya finiini.”

³ Nndumi Iruva mmbo alelutannya finiini! Neese lukakyesa nafyo!

⁴ Woi Nndumi Iruva luviirye vandu veru valekamarwa mifungwa, Vawuye sha mira taari ya sinde.

⁵ Veevaaya na misoru, vasheilulaa veefuraa.

⁶ Valya valeenda veerye mbeu tawo teevaaya veeshiyaa, Ni dede mmbo vashefuraa veewuyaa, veerye milaa yaawo.