SABURI 125 - BIBILLYA Mareiyo Meele a Iruva

Uringi lwa Nndumi

¹ Yewo vavikye Nndumi Iruva nsia mmbo vavakye ifumbu lya Sioni; Llyo lyiiyoo llung'anu nta lyilasingasinga.

² Shaasa mafumbu aringitye muri wa Yerusalemu, Niindo nawe Nndumi Iruva aringitye vandu vakwe kupookya ulaalu kufike llung'anu,

³ umangyi lwa uravi llushekaa lushillye yewo va usumanu-fo, Naambo yewo va usumanu valeshesanga na yewo varavi.

⁴ Woi Nndumi Iruva engera itannya yewo va usumanu mesha, Kiwo neewo mirima ikunyiisye.

⁵ Lyo yewo veesora shia tawo ta ureti Nndumi Iruva mmbo ashevanyanyataa ando amwi na veetana meesi. Yewe Israeli kaa na ufoo.