SABURI 121 - BIBILLYA Mareiyo Meele a Iruva

Iruva nringi weru

¹ Mmbo shishiboo miso akwa naambo shilole efo mafumbu, ngarami yakwa nkwi ishuuka?

² Ngarami yakwa nnyefo kwa Nndumi Iruva ishukaa, yeu aumbye iruveeu noolana!

³ Yeto nalaraa urende lwafo luteshuwa yoo lukai; Neeto mwiikuringa nnyarengeyaafo.

⁴ Yee, nnyarengeyaa nta ilala rony-fo, mmbwe nringyi wa Israeli.

⁵ Nndumi Iruva mmbwe nringi wafo! Nndumi Iruva niirya lyafo taari ya woko usha.

⁶ Mwi mmbushekukoraa nsanyiny, Nta mwiiri kyeeri kya kio-fo.

⁷ Nndumi Iruva mmbwe ashekuringaa findo fikasha fyoose, Nakuringe nrima.

⁸ Nndumi Iruva mmbo ashekuringaa kwiishangaa neesomuka, apookya ulaalu nafike llung'anu.