SABURI 114 - BIBILLYA Mareiyo Meele a Iruva

Kyiimbo kya Pasaka

¹ Haleluya. Kyeeri Israeli alooka Misri Nawe Yakobo kalakana na vandu veny,

² Yuda mmbo alekaa ando akwe kweele, Na Israeli katira ding'u yakwe.

³ Yeeve mmbo ilelollya ikarisha! Nato mura wa Yordan ukasalala.

⁴ Mafumbu akakillya-killya sha suva, Na fidoora sha ngurana ta suva.

⁵ A yeeve nkyi kwava kukeerisha? Neewe Yordan nkyikyi kwasalala?

⁶ Yeni mafumbu mu-killyeny sha suva? Neeni fidooro sha ngurana ta suva?

⁷ Yewe uruka, rerema yoo usanguny lwa Nndumi Iruva, Yoo usanguny lwa Iruva wa Yakobo.

⁸ Mmbo aallwaa ando a iwe akava irrwa lya mura; Na iwe yuumu lyikava usoka.