SABURI 101 - BIBILLYA Mareiyo Meele a Iruva

Kyaasa kya mangyi

¹ Mmbo nshiimba kya usaari na usumanu. Ee, Nndumi Iruva, mmbo nshiimba fiimbo kwa wiindi.

² Shia takwe ntivaa ta worotu Ni indii kushaa kwakwa? Mmbo nsheenda kwa worotu kwa nrima, efo mmbeny yakwa.

³ Nshivikaa mbee yakwa irero iravi-fo Mmbo shiswe mashora a vandu varavi. Nnyavandamaa na yeny-fo;

⁴ Ngoo ya umbafu mmbo ishuukaa kwakwa Kindo kiravi nshikundye ikyimanya-fo.

⁵ Yeto avikyaa uroye urere kwa kirika. Yeto mmbo shimbyaa namalallye. Yeto atiri miso a kyiila na ngoo ya ikuora, nshisisirya-fo.

⁶ Miso akwa mmbo alolaa yewo vasaari kunu urukeny, Yewo mmbo vakaa amwi neeny. Yeto ashendaa shia shorotu mmbwe ashirundyaa

⁷ Nndu atanaa fya ulembi nnyakaa efo mmba yakwa-fo, Yeto mwirera wongo nnyasalala usanguny lwakwa-fo.

⁸ Wo nkonu mmbo shikyemmyaa varavi woose Varavi woose mmbo shivautaa urukeny. Shirauwe vetana uravi na muri wa Nndumi Iruva.