SABURI 1 - BIBILLYA Mareiyo Meele a Iruva

Ifura lya Dede

¹ Ngoma ni ya nndu yeto nalashendaa, Efo shieny ta vandu varavi. Nta nalasindaa efo shieny ta valyamari, Nta ikaa rembo efo ikwaanuny Lya vamini neekapa ngula.

² Indi mavavaso a Nndumi akansennya Na usumanu llo asununda kio na nsanyiny.

³ Nawe kava sha nri ukeenronge mbai ya soko ta mura, Uvikaa ndunda kwa kyeeri kya vayo, Nta iru lyavayo lyilashumaa, Na wo kindo atana kikansenya.

⁴ Ekyo ni kilasha na vandu varavi; wo mmbo vakee sha muulu uvivitwaa ni uraato,

⁵ Kwa ekyo valyamari mmbashaashukaa yuutywa uvingo-fo, Nta valyamari mmbashesangaa na valya vakee vasumanu-fo.

⁶ Mashika Nndumi Iruva mmbo aishi meengye ya valya vatiri usumanu, Indi shia ya valyamari isherekaa.