NEHEMIA 11 - BIBILLYA Mareiyo Meele a Iruva

Kya Vandu Valekaa Yerusalemu

¹ Nalyo vasongoru vakakaa kulya Yerusalemu. Vandu vakakaba kura isauwa wo ufyari nndu umwi efo vanduny ikumi nashekaa Yerusalemu, neewo keenda vakae miriny yeyo ingi.

² Naasa vandu vakafura kya vengi valekuuta wo veni ikaa Yerusalemu.

³ Na yeva mmbo vaniini va myuungo yewe valekaa Yerusalemu, neefo miriny ingi ya Yuda wo nndu kakukaya kyeny kwakwe, Vaisraeli, vakohani. Valevi, na Vanetini, na valya vekee mashinga a Solomon.

⁴ Na vana vengi va Yuda vakakaa Yerusalemu, na maata va Benyaminy. Vana va Yuda, Ataya mwana wa Usia wa Sekaria, Mwana wa Amaria, Shefatia, na Mahalaleli, ni va ufyari lwa Yuda mwana wa Peresi.

⁵ Maaseiya mwana wa Baruki akee nshuku wa Kolhosen. Vengi va ufyari lwawo ni Hazaia, Adaya, Joyaribu na Sakaria, na nkuu waawo n mwana wa Yuda, we Shela.

⁶ Yewo vaukye kwa Peresi ni vandu 468 valekaa Yerusalemu.

⁷ Valya va ufyari lwa Benyaminy ni: Salu mwana wa Meshulam, nshuku wa Yoedi. Vengi ni Pedaiya Kolaiya, Maaseiya, Itieli, na Yeshaya.

⁸ Gabai na Salai ni va mmba ya Salu. Va ufyari lwa Benyaminy valekaa Yerusalemu ni 928.

⁹ Yoeli mwana wa Sikri, kava nsongoru waawo, na Yuda mwana wa Hasanua kava wa kavii efo ushilyiny lwa muri.

¹⁰ Vakohani: Yedaya mwana wa Yoyaribu, na Yakin,

¹¹ Seraya mwana wa Hilkia kava nshuku wa Meshulan. Vakuu vakwe ni Sadoki, Meraiyot na Ahitubu, nlya ekee Nkohani nniini.

¹² Woose vekee vandu 822 veerundya Mmba ya Iruva. Adaya mwana wa Yeroham akee nshuku wa Pelalia. Vakuu vakwe ni Amsi, Zekaria, Pashuri, na Malkiya.

¹³ Woose ni vandu 242 wo vekee vasongoru va mmba. Amashisai mwana wa Asareli akee nshuku wa Ahsai. Vakuu vakwe ni Meshilemoti na Imeri.

¹⁴ Mmbo kweefo vandu 128 va ufyari elu vekee vasikari. Nsongoru waawo ni Sabdieli

¹⁵ Valevi: Shemaiya, mwana wa Hashubu, akee nshuku wa Asrikau. Vakuu vakwe ni Hashabia na Buni.

¹⁶ Shabetai na Yozabadi, wo ni Valevi veekallya mashora a efo boo ya mmba ya Iruva.

¹⁷ Matania, mwana wa Mika, nawe ni nshuku wa Sabdi, wa ufyari lwa Asafu. We mmbo ekee nteteri wa veembi va mmba ya Iruva, veembi va fiimbo fya yaana Iruva. Bakibukia mmbo ekee mweeki wa Matania. Abda mwana wa Shamua na nshuku wa Galal waufyari lwa Yedutum.

¹⁸ Woose ni vandu 284, Valevi valekaa Yerusalemu.

¹⁹ Varingi va ngiri ta muri: Akubu, Talmoni na vana vamaye vawo veeringi ngirin, woose vakava vandu 172.

²⁰ Na vaisraeli yewo vengi, vakohani na Valevi vakakaa miriny ya Yuda, wo nndu kwakwe.

²¹ Lyo wo Vaneteni vakakaa Ofeli na uwe ya vayo ni Siha na Gishpa.

²² Na nniini wa Valevi va Yerusalemu ni Usi, mwana wa Bani mwana wa Hashabia, wa Matania, wa Mika va ufyari lwa Asafu llo lwa veembi, vakasalallya ishora lya mmba ya Iruva.

²³ Kimmba mangyi eeniingye veembi vavaso iroo lyeelatya wo nkonu.

²⁴ Nawe Petahia mwana wa Meshebeseli wa ufyari lwa Sera wa Yuda, ekee nngari wa mangyi mwiikallya findo fyoose.

Vandu Vakee Miriny Miniini na Minnywa

²⁵ Na vandu va Yuda vakakaa efo mareminy na fyuungony, mfyo Kiriat-arba, Diboni na fyuungo fya vayo, na Yekabseeli;

²⁶ na Yeshua na Molada, na Bet-peleti,

²⁷ na Hazar shuali, na Beer-sheba,

²⁸ na Siklag, na Mekona,

²⁹ na kulya Enrimoni, na Sora na Yarmut

³⁰ Sanoa na Adulamu, Lakishi na marema a vayo na Azeka, wo muri na fyuungo fya vayo, vakakaa bookya Beer-sheba fika imungo lya Hinomu.

³¹ Na vana va Benyaminy wo vakakaa Geba, na Mikmashi, na Aiya na Bet-eli.

³² Anatoti, Nobu, Anania,

³³ Hazori, Rama, Gitaimu,

³⁴ Hadidi, Seboimu, Nebalati.

³⁵ Lodi na Ono, na imungony lya Vakarashi.

³⁶ Na Valevi vengi mmbo vekaa Yuda, na vengyi vakakaa Benyaminy