MEEKYENA 7 - BIBILLYA Mareiyo Meele a Iruva

Firaso fya Vasongoru va Vana va Israeli

¹ Naasa nkonu yeto Mose ekyimaa isaleesa ulale ando yoo, na ivika mafura, neevikya mbora, fiiya fya vayo fyoose, na kitara ekyo na fiiya fya vayo, fyoose na ifyaamba mafura na ifilyisa,

² llyo vaniini va Israeli va mirwe ya mmba toose vakauta firaso mmbo vaniini va ngyufyari, yewo mmbo vesalallya yewo valeekyenwa;

³ Nawo vakeenngye Nndumi Iruva firaso fyawo, mitika arindaru akeemasikye uwe, na ng'umbe ikumi na ivii, ikari lyimwi lyive lya vaniini vavii, vavii, na ng'umbe imwi ya wo nniiini, vakaserisya ando yoo ulaleny.

⁴ Naasa Nndumi Iruva karera na Mose kammbia.

⁵ Fiwarye naambo five fya urundi lwa yoo yeemeny lya ikwanannya, neewe kuniinngye Valevi findo efyo, wo umwi shaasa urundi lwakwe lukai.

⁶ Naasa Mose kawarya mitika yoo na ng'umbe kaniinngya Valevi.

⁷ Vana va Gershoni kavaniingya mitika ivii na ng'umbe iinya, shaasa wo nndundi urundi lwawo lwekai;

⁸ Na vana va Merari kavaninngya mitika iinya na ng'umbe nyanya shaasa urundi lwawo lwekai veekallywaa ni Itamari, mwana wa nkohani Aron,

⁹ lyo vana va Kohati nnyalevaniinngyafo, mashika urundi lwawo lwekee fiiya filya fyeele, nawo vakafikurika meeveny awo.

¹⁰ Naasa vaniini valya wakaniinngya firaso naambo vavike kitara wakfu nta nkonu weamba mafura, vaniini vakaniinngya firaso fyawo mbee ya kitara kya irasa.

¹¹ Naasa Nndumi Iruva karera na Mose kammbia, Mmbo vaserisya-u firaso fyawo, wo nniini na nkonu wakwe, kya ivika wakifu kitara kyeerasya.

¹² Yeto eningya kyirasa nkonu wa mbee ekee nashori mwana wa Aminadabu nsongoru wa vandu va Yuda;

¹³ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

¹⁴ ideeva lya saabu lyimwi lya shekelyi ikumi, lyiishwe ubani;

¹⁵ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

¹⁶ na woro imwi kwa kyiraso kya ulyamari;

¹⁷ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Nashony mwana wa Aminadabu.

¹⁸ Nkonu wa kavii Netanielyi mwana wa Suari nsongoru wa vandu wa Isakari,

¹⁹ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

²⁰ ideeva lya saabu lyimwi lya shekelyi ikumi, lyiishwe ubani;

²¹ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

²² na woro imwi kwa kyiraso kya ulyamari;

²³ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Netanielyi mwana wa Suari.

²⁴ Nkonu wa kararu Eliabu mwana wa Elony nsongoru wa vandu wa Manase,

²⁵ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

²⁶ ideeva lya saabu lyimwi lya shekelyi ikumi, lyiishwe ubani;

²⁷ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

²⁸ na woro imwi kwa kyiraso kya ulyamari;

²⁹ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Eliabu mwana wa Elony.

³⁰ Nkonu wa kaana ni Elisuri mwana wa Shederi nsongoru wa vandu wa Rubeny,

³¹ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

³² ideeva lya saabu lyimwi lya shekelyi ikumi, lyiishwe ubani;

³³ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

³⁴ na woro imwi kwa kyiraso kya ulyamari;

³⁵ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Elisuri mwana wa Sheduri.

³⁶ Nkonu wa karaanu Shelumielyi mwana wa Surishadai nsongoru wa vandu wa Simyony,

³⁷ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

³⁸ ideeva lya saabu lyimwi lya shekelyi ikumi, lyiishwe ubani;

³⁹ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁴⁰ na woro imwi kwa kyiraso kya ulyamari;

⁴¹ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Shelumielyi mwana wa Surishadai.

⁴² Nkonu wa karindaru Elyisafu mwana wa Deuelyi nsongoru wa vandu wa Kadi,

⁴³ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁴⁴ ideeva lya saabu lyimwi lya shekelyi ikumi, lyiishwe ubani;

⁴⁵ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁴⁶ na woro imwi kwa kyiraso kya ulyamari;

⁴⁷ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Elyisafu mwana Deuelyi.

⁴⁸ Nkonu wa mfungare Elyishama mwana wa Amiudi nsongoru wa vandu wa Efreemu,

⁴⁹ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁵⁰ ideeva lya saabu lyimwi lya shekelyi ikumi, lyiishwe ubani;

⁵¹ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁵² na woro imwi kwa kyiraso kya ulyamari;

⁵³ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Elyishama mwana wa Amiudi.

⁵⁴ Nkonu wa nyanya ni Gamalieli mwana wa Pedasuri nsongoru wa vandu wa Manase,

⁵⁵ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁵⁶ ideeva lya saabu lyimwi lya shekelyi ikumi, lyiishwe ubani;

⁵⁷ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁵⁸ na woro imwi kwa kyiraso kya ulyamari;

⁵⁹ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Gamalielyi mwana wa Pedasuri.

⁶⁰ Nkonu wa kyeenda Abidan mwana wa Gidiony nsongoru wa vandu wa Benyaminy,

⁶¹ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁶² ideeva lya saabu lyimwi lya shekelyi ikumi, lyiishwe ubani;

⁶³ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁶⁴ na woro imwi kwa kyiraso kya ulyamari;

⁶⁵ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Abidan mwana wa Gidiony.

⁶⁶ Nkonu wa ikumi ni Ahieseri mwana wa Amishadai nsongoru wa vandu wa Dani,

⁶⁷ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁶⁸ ideeva lya saabu lyimwi lya shekelyi ikumi, lyiishwe ubani;

⁶⁹ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁷⁰ na woro imwi kwa kyiraso kya ulyamari;

⁷¹ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Ahieseri mwana wa Amishadai.

⁷² Nkonu wa ikumi na lyimwi ni Pegieli mwana wa Okrany nsongoru wa vandu wa Aseri,

⁷³ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁷⁴ ideeva lya saabu lyimwi lya shekelyi ikumi, lyiishwe ubani;

⁷⁵ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁷⁶ na woro imwi kwa kyiraso kya ulyamari;

⁷⁷ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Pegielyi mwana wa Okrany.

⁷⁸ Nkonu wa ikumi na kavii Aira mwana wa Enany nsongoru wa vandu wa Naftalyi,

⁷⁹ kyiraso kyakwe nkyekee ni saani imwi ya arera ya uroo lwa shekelyi iyana lyimwi na makumi araru, ideeva lyimwi lya arera ya shekelyi lya makumi mfungare, kyikwaani na shekelyi ya ando kweele, myoose piny iishwe nswa mmamiri nsande na mafura kwa kyiraso kya fimu

⁸⁰ ideeva lya saabu lyimwi lya shekelyi ikumi, lyiishwe ubani;

⁸¹ shau shiiyya imwi, na ndafu imwi, na suva ya mwaaka umwi imwi kwa kyiraso kya ikora na muro;

⁸² na woro imwi kwa kyiraso kya ulyamari;

⁸³ na kwa kyiraso kya unapwe, ngoleta ivii, ndafu isaanu, woro isaanu, na suva ta mwaaka umwi isaanu. Yekyi ni kyo kyiraso kya Aira mwana wa Enany.

⁸⁴ Efyo mfyo firaso fyoose fileniinngywa ni vaniini va Israeli fya ivika wakfu kitara ekyo kya irasya kyeeri kileambwa mafura; Bakuri ta fesa ikumi na iivi na mabenseni a fesa filiko fya saabu ikumi na fivii.

⁸⁵ Wo saani ya fesa itiri uroo lwa shekeli iyana na makumi araru, na uroo lwa bakuri ni shekeli makumi mfungare, fesa shoose ya fiiya efyo mmbo yekee shekeli fiku fivii na mayana aana fya ando kweele.

⁸⁶ Masinnya a saabu ikumi na avii, eeshwe ubani, wo kiparwe shekeli ikumi shaasa kyikwaani na shekeli ando kweele, saabu toose ta mideeva tikee nshekeli iyana na makumi avii;

⁸⁷ Suva ikumi na ivii, na ngurana ta moonri ikumi na ivii ta mwaka umwi, amwi na nswa wa nganu mfishengyaa ando amwi kwa iniinga kiraso kya irumatwa na muro.

⁸⁸ Ndafu ikumi na ivii ta kiraso kya ulyamari, shau makumi avii na iinya, suva makumi arindaru, ndafu makumi arindaru, na ngurana ta moonri makumi arindaru wo imwi itiri mwaka umwi kwa kiraso kya umwi lwa ukulungo.

⁸⁹ Llya Mose aleanga yeemeny lyekwanannya naambo narere na Iruva, llyo aleeta unyanga lureraa nawe luuka yoo kitiminy kya ulyilyi, ekyo yoo uwe ya isanduku lya mavavaso ikauka nnang'ani a yoo avii, Iruva karera na Mose.