MEEKYENA 26 - BIBILLYA Mareiyo Meele a Iruva

Yeekyenwa lya Kavii

¹ Ngapo yeyo yiikiira Nndumi Iruva karera na Mose na Elieseri we mwana wa nkohani Aron, kavavia,

² Ekyena vana va Israeli woose, kubookya miaka makumi avii na mmwasi kwii mmba ta vandeye vawo, yewo woose vashidimaa yeenda fireny.

³ Naasa Mose na nkohani Elieseri vakarera na vandu alya imungony lya Moabu kufii na Yordan, na Yeriko, vakavavia,

⁴ Ekyeneny vandu, uka wa myaaka makumi avii na mmwasi, shaasa Nndumi Iruva alevavasya Mose na vana va Israeli yewo valeuka Misri.

⁵ Mwana wa mbee wa Israeli, we Ruben, vana vakwe, na va Hanoki, na va Palu;

⁶ na va Hesron, na va Karmi.

⁷ Yeva mmbo va ufyari lwa Ruben, woose valeekyenwa ni fiku makumi aana na firaru mayana mfungare na makumi araru.

⁸ Na vana va Palu, Eliabu.

⁹ Na vana va Eliabu, Nemweli, Dathani na Abiram yewo valesauwa, valya valesalala kilashe na Mose na Aron veeterewaa n'Kora, vakasalala kilasha na Nndumi Iruva;

¹⁰ sumbai ikaambira kana ikavamira vakafwa ando amwi na Kora vakalyikyo si na muro ukamamita vandu mayana avii na makumi araanu naambo vengyi valollye.

¹¹ Lyo vana va Kora mmbalefwafo.

¹² Na vana va Simion, va Yemuel, va Yamini, va Yakini,

¹³ vana va Sohari, va Shauli.

¹⁴ Yeva mmbo va ufyari lwa Simion vandu fiku makumi avii na fivii na mayana avii.

¹⁵ Na vana va Gadi, va Sifoni, va Hagi, va Shuni,

¹⁶ va Esboni va Eri;

¹⁷ va Arodi, va Areli.

¹⁸ Yewo mmbo vandu va ufyari lwa Gadi, woose ni fiku makumi aana na mayana araanu.

¹⁹ Na vana va Yuda, Eri na Onani, na yewo va Eri na Onani vakafiiya kulya Kanaani.

²⁰ Na vana va Yuda, va Shela, va Peresi va Sera,

²¹ vana va Peresi, va Hesron, va Hamuli.

²² Yewo mmbo vana va ufyari lwa Yuda, woose vafikye fiku makumi mfungare na varindaru na mayana araanu.

²³ Na vana va Isakari va Tola va Puva

²⁴ va Yashubu va Shimroni

²⁵ Yewo mmbo vandu va ufyari lwa Isakari ni fiku makumi arindaru na vaana na mayana araru.

²⁶ Na vana va Sabuloni, va Seredi, va Eloni, va Yaleeli,

²⁷ Yeva niwo va ufyari lwa Sabulon, vafikye fiku makumi arindaru na mayana araanu.

²⁸ Na vana va Yosefu, Manase na Efraimu.

²⁹ Vana va Manase va Makiri, na Makiri kaira Gileadi, na vana va Gileadi,

³⁰ Vana va Gileadi, na va Abieseri, na va Heleki;

³¹ na va Asrieli, na va Shekemu,

³² na va Shemida, na va Heferi,

³³ na va Selofehadi akee mwana wa Heferi we nalatire vana va kyuumi, ni va kyika veni, na marina awo ni Mala na Noa, Hogla, Milka na Tirsa.

³⁴ Na va ufyari lwa Manase woose ni fiku makumi araanu na vavii na mayana mfungare.

³⁵ Na vana va Efraimu, va Shutela, va Beredi, va Tahati,

³⁶ Na vana va Shutela yewo, va Erani.

³⁷ Yewo mmbo vana va Efraimu, woose ni fiku makumi araru na vavii na mayana araanu. Yewo ni va ufyari lwa Yosefu

³⁸ Na vana va Benyaminy, va Bela, na va Ashbeli, na va Ahiramu, na Shufamu, va Hufamu,

³⁹ Shufamu na Hufamu.

⁴⁰ Na vana va Bela ni Ardi na Naimani, vana va Ardi, va Naimani,

⁴¹ Yewo ni va Benyaminy wafikye fiku makumi aana na varaanu na mayana arindaru.

⁴² Na vana va Dani, va Shuhamu. Yeva mmbo va ufyari lwa Dani.

⁴³ Vashuhamu woose, vandu fiku makumi arindaru na vaana na mayana aana.

⁴⁴ Na vana va Aseri, va Imna, va Ishvi va Beria,

⁴⁵ vana va heberi, va malkieli,

⁴⁶ Na mfu wa Aseri ni Sera.

⁴⁷ Yewo mmbo va ufyari lwa Aseri, vandu fiku makumi araanu na vararu na mayana aana.

⁴⁸ Na vana va Naftali, va Yaseeli, va Guni;

⁴⁹ va Yeseri, va Shulemu,

⁵⁰ Yewo ni va ufyari lwa Naftali, nawo ni vandu fiku makumi aana na varaanu na mayana aana.

⁵¹ Yewo mbo vana va Israeli valeekyenwa, fiku mayana arindaru na umwi, mayana mfungare na makumi araru.

⁵² Numa ya vayo Nndumi Iruva karera na Mose, kammbia,

⁵³ Vandu yeva mmbo vasheavioo uruka elo luve ding'u yaawo, wo nndu kyakwe.

⁵⁴ Yewo vakee veengyi mmwasi kuvaengerye, na yewo vaangu kuvevaniinga kiinani nawo, wo nndu shaasa yeekyena lya vandu vakwe lyikai, vaniingwa indo.

⁵⁵ Lyo uruka mmbo lushaawaa kwikura, kwiisoraa ngyufyari ta vakuu vawo.

⁵⁶ Shaasa kura tishaambaa, niindo kuvaavyaa, vakava veengyi ao vaangu.

⁵⁷ Na va ufyari lwa Valevi yewo valeekyenwa mmbo yeva, va Gershon, va Kohati na va Merari.

⁵⁸ Yeti nto mmba ta Levi, mmba ya Libni, ya Vahebron, ya Vamala, ya Vamushi, na ya Vakora. Na Kohati mmbo aleira Amramu.

⁵⁹ Na nka wa Amramu eevaangwaa Yokobedi mfu va Lewi kairya Amramu mwanaakwe Aron, na Mose na mfwamaye waawo Mariamu.

⁶⁰ Numa kwa Aron vakawonika-fo, Nadabu na Abihu, na Elieseri na Itamari.

⁶¹ Nawo Nadabu na Abihu vakafwa, kyeeri valeninngya Nndumi Iruva firaso filakee fivavasye.

⁶² Na yeekyena lyawo lyikava vandu fiku makumi avii na firaru, wo nndu Nndumi Iruva yewo veetiri mwiiri umwi na mmwasi, neelyi valekeevasasande na vana va Israeli, nkyo wo valaonise ding'u sha wo.

⁶³ Yewo mmbo valeekyenwa Mose na nkohani Elieseri llya valeekyennya vandu alya imungony lya Moabu, kufii na Yordan yoo Yeriko.

⁶⁴ Lyo nnang'ani yaawo nkweiyo nta umwi wa valya valeekyenwa Mose na nkohani Aron-fo, valya valeveekyena alya Sinai.

⁶⁵ Ni llya Nndumi Iruva emmaamba nkuti vafiiye kulya kasa. Nalyo nnyalesaa-u nta nndu umwi-fo, kuuta Kalebi mwana wa Yefune na Yosua mwana wa Nuni.