MEEKYENA 25 - BIBILLYA Mareiyo Meele a Iruva

Vana va Israeli Alya Peori

¹ Naasa Vaisraeli vakakaa alya Sitimu, womi vawo vakabooka ituusa vaka va Moabu;

² mashika mmbo valevaanga vandu yewo vakeenda nawo firasyony fya maruva awo, nawo vakalya shoonga yeto teerasya, marua awo vakaveinndya maruva yoo awo, sha Baali wa Peori.

³ Nndumi Iruva, Iruva karooyo ni unyafi kimaruma kya Israeli.

⁴ Kyasia Nndumi Iruva, Iruva kavia Mose, “Iboo vasongoru woose va vandu yewo kuvaorote mbee ya Nndumi Iruva kundevavanika nsanyiny, kyere na unyafi lwa Nndumi Iruva Lwiire mbai Lulakooye Israeli.”

⁵ Naasa Mose kavia veesalallya vana va Israeli Wo nndu nawaa vandu vakwe valya valeenndya Baali wa Peori.

⁶ Nalyo nndu umwi wa vana va Israeli keengye vana va maye nka umwi Mmidiani Mose eeiyo na vana va Israeli woose, kyeeri vekeiya yoo mwaangony wa yeema yeele.

⁷ Nawe Finehasi mwana wa Elieseri we mwana wa Nkohani Aron, eekilollya indo,

⁸ Kavadosha naifumu ve vavii, nndu yeto Mwisraeli na nka yeto kandosha yoo ndeu. Naasa vana va Israeli mmbalekiwonisa ngapo ingyi-fo,

⁹ Na yewo valefwa indo vakafikya vandu fiku makumi avii na fiina.

¹⁰ Numa ya vayo Nndumi Iruva karera na Mose, kammbia,

¹¹ Finehasi mwana wa Elieseri wa nkohani Aron, mmbo alefweera unyafi lwakwa kya vana va Israeli, mashika elyi alesukywa shaasa yeny shilesukywa, naambo shilasheemamita vana va Israeli woose.

¹² Kimmba niindo, ulaalu amba indi, We mmbo shanniinga kyaasa kya unapwe lwakwa

¹³ we na ufyari lwakwe lwa numa kyaasa kya iva makohani llung'anu, mashika llya aletirwa nkififi kyeekunda Iruva wakwe, kavevikya vana va Israeli usandi.

¹⁴ Na nndu yeto Mwiisrael alewaawa ando amwi na nka ulya Mmidiani mmbo eevaangwaa Simri mwana wa Salu, ekee nniini wa ufyari lwawo lwa Simion.

¹⁵ Na irinalya nka yeto Mmidiani alewaawa ni Kozbi mfu wa Suri, nawe mmbo eekee kisongoru kya va mmba ta ndeye efo Midiani.

¹⁶ Naasa Nndumi Iruva karera na Mose, kammbia,

¹⁷ Saveesa Vamidian kuvakabe;

¹⁸ kimmba vakevasaveesa yeni na mitambo yaawo, shaasa valemweeveta yeni mukainndya Baali wa Peori, na kya Kozbi yeto nniini wa Midiani, mfu yeto waawo, alewaawa kimaruma kya efyo efo Peori.